Dupla mutaçom oportunista

barakaldo-periko_eta_besteak_aurrera

Carlos Morais

A claudicaçom da esquerda abertzale perante Espanha, após décadas de confronto político-militar, permite estampas impensáveis há pouco mais dumha década.
Quando a pólvora caraterizava a luita de libertaçom nacional basca o nacionalismo autonomista galego nom só fugia de Herri Batasuna, condenava sem matizes o “terrorismo etarra”.


O BNG assistia sem complexo algum com laço azul às concentraçons do regime postfranquista da mao do PP, PSOE, IU e resto de forças burguesas. E mesmo chegava o ridículo teorizarando o “caráter pacífico do povo galego” como umha caraterística genética d@s habitantes da Galiza, para justificar o seu alinhamento com o projeto imperialista espanhol.
No culme do seu oportunismo e entreguismo o BNG participou em manifestaçons em defesa da constituiçom espanhola. As hemerotecas estám ai para verificá-lo.
A esquerda abertzale caraterizava o BNG como umha força autonomista e as suas relaçons políticas na Galiza eram com o socialismo independentista articulado em NÓS-UP, pois eramos a única expressom política galega que exercia coerentemente o internacionalismo proletário.
A ofensiva fascista do governo de Aznar contra a esquerda abertzale em particular, e as forças revolucionárias de libertaçom nacional em geral, também tinham provocado a dilataçom do esfinter no papanatismo basco da FPG, que optou por reduzir as suas relaçons ao ámbito nom público.
Hoje, cumha inofensiva esquerda abertzale transformada num partido eleitoral similar ao “eurocomunismo” de prática socialdemocrata, os do BNG mudárom o seu referente no País Basco, substituindo o PNB por Sortu. E o reformismo basco aposta polo BNG como o seu referente.
Para [re]construirmos o partido comunista revolucionário galego e o movimento de libertaçom nacional, temos que combater a amnésia que o relato oficial pretende impor. Temos que fugir de qualquer prática conciliadora disfarçada de falso unitarismo. Eis a linha leninista!

Galiza,
22 de janeiro de 2017

Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s